CRM (müştəri münasibətlərinin idarəsi) kimə zəng edildi, kimə nə vəd olundu, növbəti addım kimdədir — bunları tutur. Anbar isə malın yerini. CRM-i anbar proqramı kimi istifadə etmək, anbarı da CRM kimi istifadə etmək eyni dərəcədə səhvdir.
1. CRM-də nə yazılır
- Müştəri kartı: ad, telefon, şirkət, VÖEN əgər varsa.
- Müraciət: nə istəyir, hansı mal, hansı miqdar.
- Status: yeni, gözləmə, təklif, qazandı, itirildi.
- Tapşırıq: kim, nə vaxta qədər nə edəcək.
2. Anbar ilə təmas nöqtəsi
CRM-də “100 ədəd var” yazmaq olmaz. Bu rəqəm anbardan gəlməlidir. CRM-də isə “müştəri 100 istəyir, 40-ı bu həftə, qalanı növbəti partiya” yazılır. Beləcə vəd qalıqdan ayrı qalır, amma bağlıdır.
3. Tapşırıq idarəsi CRM-in belidir
“Zəng et”, “təklif göndər”, “qaiməni hazırla” — bunlar insandan asılı işlərdir. Tapşırıq yoxdursa, CRM yalnız telefon kitabçasıdır. Tapşırıq varsa, səhər siyahısı çıxır: bu gün kimə qayıtmaq lazımdır.
4. Nümunə axın
- Müraciət CRM-ə düşür.
- Anbardan satıla bilən qalıq yoxlanır.
- Müştəriyə real müddət deyilir.
- Sifariş təsdiqlənəndə anbar rezerv tutur.
- CRM statusu “qazandı” olur, tapşırıq bağlanır.
5. FEE-də CRM yox, iş izi
FEE.az əsasən mühasibat və əməliyyat uçotudur. Müştəri və tapşırıq ehtiyacı olanda bunu anbar və qaimə ilə toqquşdırmadan qurmaq lazımdır. CodexPi MMC olaraq mövcud işinizə uyğun sərhədi birlikdə çəkə bilərik — hər şeyə “CRM paketi” demədən.
